SPONSERD ADS
البودكاست الأكثر مشاهده مع أحمد ابو زيد و كيميا
SPONSERD ADS
SPONSERD ADS
أحمد أبوزيد هو مدرب مصري ومؤسس بودكاست “دروس أونلاين” التعليمي. البودكاست بيقدم دروس في مجالات كتير زي التسويق الإلكتروني والتصميم والبرمجة وغيرها، والهدف منها إنها تعلم المستمعين مهارات جديدة وتساعدهم يطوروا قدراتهم في المجالات دي.
أحمد بيستخدم أسلوب بسيط ومبسط في الشرح وبيحاول يجذب انتباه المستمعين ويساعدهم يفهموا المفاهيم بشكل سهل وممتع.
بودكاست “دروس أونلاين” متاح على مختلف المنصات اللي بتعرض البودكاست على الإنترنت، وبقدم معلومات مفيدة وهامة للناس اللي عايزة تطور نفسها في المجالات دي.
شاهد ايضا :
SPONSERD ADS
* هو مين كيميا دا؟
* شاب مصري من عائلة صعيدية متوسطة الحال
* خلصت ثانوية أزهرية سنة ٢٠٠٢
* دخلت تربية جامعة الأزهر بالقاهرة قسم كيميا وطبيعة وقَعَدت فيها ٥ سنين وسبتها بسبب أني عدلت على دكتور وسط المحاضرة وكان بيسقطني كل سنة
* دخلت بعدها تجارة عين شمس ومعاها أكاديمية كومبيوتر
* كرهت المحاسبة وحبيت مجال الكومبيوتر وركزت فيه وطلعت الاول عالدفعة ومكملتش في تجارة
* دخلت بعدها اداب ترجمة إنجليزي وكنت متفوق جداً فيها بسبب حبي للإنجليزي
* مع كل دا كنت بشتغل وبصرف على نفسي من سنة ٢٠٠٣
* اشتغلت عامل بشيل طوب ورمل واسمنت في الغردقة والقاهرة وفِي فترة من الفترات كنت بشيل شيكارة الإسمنت للدور ال ١١
* اشتغلت استيوارد بغسل أطباق وكبايات في كذا مكان في عباس العقاد وجنينة مول
* اشتغلت مساعد شيف وبعدها شيف في مطاعم في مدينة نصر وبعدها الشيراتون وبعدها بورتو السخنة
* خدت بعدها كافيتريا لحسابي في أكاديمية الكومبيوتر اللي كنت بدرس فيها لمدة سنة ومعاها كنت بشتغل شيف بالليل برضو
* بعدها اتعلمت النقاشة والديكور وبدأت اشتغل في المجال دا لحسابي ولوحدي
* الشغل زاد وابتديت اجيب نقاشين ومساعدين يشتغلوا معايا
* الشغل زاد اكتر وبَقى شغال معايا ١٢ نقاش و٤ مساعدين
* دخلت بعدها مجال الترجمة الفورية وبدأت اتعامل مع اجانب واترجملهم فوري في اَي مشوار يروحون وكنت بتحاسب الساعة ب ١٠ دولار
* ساعدت زبون أمريكي اتنصب عليه في فلوس انه يسترد الفلوس بتاعته ووكلتله محامي شاطر وكنت أنا القائم بمهام الترجمة وتخليص الأوراق
* عرض عليا يجيبلي شغل في أمريكا وساعتها شغل النقاشة والديكور كان مكفيني وزيادة
* قعدت ٦ شهور أفكر وبعدها وافقت وبدأت اخلص في إجراءات السفر وشركة الترجمة عملتلي امتحان مكون من ٢٠٠ سؤال جاوبت منهم ١٧٤ سؤال وكان المطلوب للقبول ١٥٠ سؤال
* سافرت واشتغلت واترقيت بعد ٣ أسابيع من بدايتي للشغل وخدت جائزة أفضل موظف في الشهر لمدة ٣ شهور ورت بعض وبعدها برضو دخلت مجال الديكور تاني وبقيت اشتغل في الترجمة والديكور
* اشتغلت برضو على مواقع الفريلانسر كمترجم وكنت بكسب فلوس وانا قاعد في البيت
* وبعدها سبت شغل الترجمة والديكور وبقيت اشتغل بشكل دائم كفريلانسر
* نرجع بقى تاني لسنة ٢٠٠٤ ونحكي عن ازاي اتعلمت إنجليزي
* اتعلمت إنجليزي عن طريق أني كنت بحفظ كل يوم من ١٠ ل ٢٠ كلمة وأراجع عليهم اخر الأسبوع
* في سنة ٢٠٠٤ اتعرفت على شباب من بريطانيا وكانوا بيتكلموا إنجليزي بسرعة وانا كنت أقولهم اتكلموا بالراحة عشان أفهمكم واجبرت نفسي أني اركز اوي في السماع وإني استخدم الكلمات اللي حفظتها في التحدث
* مخدتش في حياتي ولا كورس إنجليزي وآخر درس خصوصي خدته كان وانا في ٢ إعدادي
* وبرضو مع الانجليزي كنت وما زلت بعشق اللغة العربية واجيد التحدث بالفصحى والحمد لله
* كنت كل يوم أصحى من النوم واقرأ ٥ مقالات على الأقل في المجالات اللي انا مهتم بيها
* كل يوم بعد ما اخلص الشغل كنت بخش عالنت واتعلم حاجة جديدة
* مؤمن جداً بالتعلم الذاتي واستفدت منه جداً
* من وانا في الكلية كنت بنزل نصائح وشروحات لزمايلي في الدفعة
* بعدها بدأت انزل نصائح وفيديوز على صفحتي الشخصية
* بدأت الفيديوز بتاعتي تنتشر والنَّاس بقت تتابعني بسبب تعلم الانجليزي والترجمة والفريلانس
* في ٢٠١٦ إدارة الفيس بوك اختارتني من ضمن الناس المؤثرين في مصر على السوسيال ميديا “هما بيقولوا كده” وبقيت بارتنر معاهم واستضافوني كمان في مقرهم في كاليفورنيا
* إدارة الفيس بوك ساعتها ادتني صلاحية أني اكسب فلوس من خلال الإعلانات بتاعك الفيديوز اللايف اللي أنا بعملها
* استغليت الصلاحية دي أني اخلي كل يوم واحد من المتابعين يكسب أرباح إعلانات اللايف عشان اشجعهم على تعلم الانجليزية وخليت الموضوع يتم بكل شفافية ووضوح
* وحاليا شغال على مشروع بعتبره حلم من احلام حياتي ألا وهو إنشاء منصة تعليمية تشمل الفريلانس والانجليزي وكل مجالات العمل الحر بحيث الشخص يدخلها من ناحية ويطلع من الناحية التانية فريلانسر جاهز للعمل الحر
* مش بسيب اَي حاجة تفيد أهل بلدي سواء كانت تعلم لغة أو مصدر رزق من شغل الفريلانسر أو غيره الا لما أقولهم عليها
* بعض الناس بتنتقد تصرفاتي العفوية وبتقولي انت ازاي حد مشهور وبتعمل كده، ردي دائماً ان أنا مش مشهور ولا بعتبر نفسي Public figure
* أنا حتة واحد صعيدي شقي وتعب في حياته لحد ما نجح ومش عايز أهل بلده يتعبوا كل التعب دا عشان يوصلوا
* مش ملاك ولا نازل من السما وبغلط وبتعصب وبهزر عادي زيي زيكم
* الكلام اللي فوق دا معمول لسببين
١: أني اعرف الناس اللي متعرفنيش أنا مين
٢: أني أعرفكم انك مش شرط تكون غني أو واخد كورسات كتير أو تعليم خاص عشان تنجح، انت تقدر تعلم نفسك وانت في البيت وتعافر وتنجح
متنساش قول الله عز وجل “وقل اعملوا فسيرى الله عملكم ورسوله”
(منقول عنه)